İzrail İtaliyä rässamnarına ilgä kerüne tıydı

Alar Könçığış Qudüs häm Könbatış Yordan arasındağı ayıru divarına fälästinle qıyu qız Axäd ät-Tämimineñ räsemen yasağan ide

1022467
İzrail İtaliyä rässamnarına ilgä kerüne tıydı

İzrail 2 ital’yan graffiti sänğat’çesen ildän quıp çığardı. Alar Könçığış Qudüs häm Könbatış Yordan arasındağı ayıru divarına fälästinle qıyu qız Axäd ät-Tämimineñ räsemen yasağan ide. Sänğat’çelärneñ kemlekläre belderelmäde. Advokatları Azmi Masalxa äytüençä, alar bügen İzraildän kitkän häm 10 yıl buyınça bu ilgä kilüläre tıyılğan.

İtal’yan rässamnar, Tämimineñ portretın yasağannan soñ, şimbä könne İzrail köçläre tarafınnan “cimerüçe ğamäl qılu”da ğayeplänep qulğa alındı. Kiçä isä alarnı irekkä çığardılar. Ämma 72 säğat’ êçendä ildän kitü şartı belän. İzrail organnarı alarnıñ vizaların yuqqa çığardı.   

16 yäş’lek Axäd ät-Tamimi öyenä basıp kergän İzrail’ xärbiyeneñ yañağına suğıp “Fälästinle qıyu qız” isemen aldı. Anı qulğa alıp 8 ayğa törmägä xökem ittelär. Kiçä yäşüsmer qıznıñ xökem waqıtı bette häm ul irekkä çığarıldı

Axäd ät-Tamimi 2012nçe yılda abıysı qulğa alınğanda da İzrail xärbilärena qarşılıq kürsätüe öçen İstanbulda “Xanzala Qıyulıq büläge”nä layıq bulğan ide.



Bäyläneşle xäbärlär