İzrail bayrağı yanında torudan baş tarttı

Çexiyädä oyıştırılğan 50nçe xalıqara ximiya olimpiadasınıñ büläkläw tantanasında Soğud Ğaräbstanınnan kilgän uquçınıñ üz-üzen totışı iğ’tibar üzägendä buldı.

Bädir Sälman çarada medal’gä layıq buldı häm säxnägä çaqırıldı. Annan soñ mengän İzrail uquçısı üz däwläteneñ bayrağı belän Sälmannıñ yanına bastı. Soğud Ğaräbstanı uquçısı isä İzrail bayrağı yanında torudan baş tartıp, urının üzgärtte. Bu xäräkätne kürgän tamaşaçılarnıñ qayberläre alqışlıy başladı.

Sälmanğa iñ zur teläktäşlek isä sośial’ mediyadan kilde. Fälästin däğ’wasında qatnaşuçı aktivistlar anıñ torışın maqtadı.