Êtlär xucalarınıñ qayğısın urtaqlaşa

Ğalimnär küpçelek êtlärneñ qayğıılı xucaları belän ruxi êlemtägä kerüen häm yärdäm itärgä teläwen açıqladı

1020090
Êtlär xucalarınıñ qayğısın urtaqlaşa

Ğalimnär küpçelek êtlärneñ qayğıılı xucaları belän ruxi êlemtägä kerüen häm yärdäm itärgä teläwen açıqladı.

Êşçänlekne AQŞnıñ Djon Xopkins universitetınnan Êmili M.Sanford citäkçelegendäge törkem alıp bara. Alar êtlärneñ uñay häm qayğırtuçan tabiğate turındağı qaraşnıñ çınbarlıqqa turı kilüen belergä teli.

Törkem êtläre bulğan 34 keşe belän täcribä ütkärä. Qatnaşuçılar yabılğan işek artında utırıp yılaw yäki ıñğıraşu tawışı çığara. Tikşerenüçelär êtlärneñ reakśiyäsen qarap qına qalmıy, alarnıñ yöräk tibeşen dä ülçi.

Xucaları yılağan êtlär işekne tağın da tizräk aça. Alarnıñ başlanğıçta alınğan ülçäwlärgä qarağanda älege minutta tağın da az stresslı buluı açıqlandı. Bu xäl êtlärneñ üz borçuların bastırıp xucaları öçen xäräkätkä kiçüläre añlamına kilä.

Täcribädä qatnaşqan xaywannarnıñ 16sı däwalaw ête bularaq öyrätelgän. Ämma tikşerenü waqıtında alar da başqa êtlär şikelle ük işek aça.  

Bu êtlärneñ barı tik bilgele ber keşelärgä genä teläktäşlek kürsätmäwen, qayber oçraqlarda anıñ östennän xäräkät itä aluların kürsätte.

Sanford monı balalarnıñ başqalarğa yärdäm itüenä oxşattı. Alar da üzläreneñ şäxsi borçuların bastıra alğan waqıtta ğına yärdäm itä ala.



Bäyläneşle xäbärlär