Süriyädä “canlı bomba” höcümnäre

Süriyäneñ kön’yağında xökümät köçläre kontrolendäge Süväydä şähärendä oyıştırılğan bombalı höcümdä 156 keşeneñ ğomere özelde. Monnan tış, Angliya märkäzle Süriyä keşe xoquqların küzätü oyışması beldergänçä, waqıyğada kimendä 30 keşe yaralandı. Höcümnän soñ iminlek köçläre ike “canlı bomba”nı, üzlären hawağa oçırğançı, atıp üterde. Monnan tış, şähär tışındağı 3 awılğa da höcüm yasalğan. Andağı ülüçe yäki yaralanuçılar turında mäğ’lümat älegä yuq.

Höcümnärne DEAŞ terrorçı oyışması üz östenä aldı. Süriyä xökümäte uzğan aylarda ilneñ kön’yağınıñ zur öleşen yañadan qulğa töşergän ide.