"Kuboknı Afrika qazandı"

Venesuêla däwlät başlığı Nikolas Maduro FIFA 2018 Dönya kuboğın alğan Franŝiya milli futbol taqımınıň küpçelek Afrikalı qaçaqlardan toruına iğtibarnı cälep itte.

İlendä oyıştırılğan ber çarada çığış yasağan ilbaşı Maduro: “Dönya kuboğın franŝuz taqımı qazandı, läkin kübräk Afrikalı taqımğa oxşağan ide. Çınında Afrika ciňde, çönki alar Franŝiyadäge Afrikalı qaçaqlarnıň balaları,” – dide.

“Awrupağa bu yullama barıp ireşte dip ömetlänäm,” – digän Maduro tübändägeçä däwam itte: “Awrupada Afrikalılarğa qarata rasaçılıq, qaçaqlarğa ayırıp qaraw betsen. Afrikanı härwaqıt kim kürdelär. Taladılar. Dönya kuboğında isä Franŝiya Afrikalı futbolçılar yärdämendä ciňü yawladı.”