Ğıyraqta protest çaraları

Ğıyraqnıñ kön’yağında ber atnadan kübräk tuqtawsız däwam itüçe uram cıyınnarında 5 protestçınıñ ğomere özelgän, kübese iminlek xezmätkäre 190 keşe yaralanğan

1013894
Ğıyraqta protest çaraları

Ğıyraq parlamentına bäyle Keşe xoquqları bäysez yuğarı komissarlığı äğ’zase Fadıl äl-Garavi, däwlät xezmäteneñ bulmawına, korrupśiya-qanunsızlıq häm êlektr özelüenä qarşı däwam itüçe protest çaralarına işäräläp: "İlneñ kön’yağındağı 3 vilayättä däwam itüçe çaralarda 5 protestçı häläq’ buldı, 128e iminlek xezmätkäre barlığı 190 keşe yaralandı", - dip äytte.

Ğıyraqnıñ berdänber kerem çığanağı – êşkärtelmägän neft’ êksportınıñ zur öleşen täêmin itüçe kön’yaqtağı Basra vilayätendä 8nçe iyül’ yäkşämbe könne başlağan uram cıyınnarı Zikar, Babil, Mäysan, Divaniyyä, Näcäf häm başqala Bağdatqa cäyelgän ide.

Tormış şartlarınıñ yaxşırtıluı taläp itelgän rizasızlıq çaralarında / su häm êlektr xezmätlärendäge aqsawlıqlar, êşsezlek häm däwlät oyışmalarındağı qanunsızlıqlar-korrupśiyälär protest itelä.

Şul uq waqıtta baş ministr Haydar äl-İbadi xalıqnıñ däwlät xezmätläreneñ yaxşırtıluın häm xoquqların taläp itä alaçağın, xökümät wazıyfasınıñ bolarnı qanäğätländerü buluın belderde.



Bäyläneşle xäbärlär