Srebreniśanıñ 35 qorbanı bügen kümelä

İkençe Bötendön’ya suğışınnan soñ Awrupada bulğan iñ zur keşelek faciğase, kimendä 8 meñ 372 bosniyäleneñ ğomeren özgän Srebreniśa genośidınıñ tağın 35 qorbanı bügen cirlänäçäk

1010202
Srebreniśanıñ 35 qorbanı bügen kümelä

İkençe Bötendön’ya suğışınnan soñ Awrupada bulğan iñ zur keşelek faciğase, kimendä 8 meñ 372 bosniyäleneñ ğomeren özgän Srebreniśa genośidınıñ tağın 35 qorbanı bügen cirlänäçäk. Çarada Törkiyä Ğadälät ministrı Abdülxämit Gül dä qatnaşa.

Här yıl 11nçe iyül’dä kümäk qaberleklärdä tabılğan cäsädlärne, şäxesläre açıqlanğannan soñ, Potoçari memorial’ ziratına kiterep kümälär. Srebreniśa 1995nçe yılnıñ näq’ bu könendä Ratko Mladiç qomandalığındağı serb ğaskärläre tarafınnan basıp alındı. Şunnan soñ ğamälgä aşırılğan küpläp üterüdä ğomere özelüçelärneñ cäsädlären yıllar ütkännän soñ kümäk qaberleklärdän êzläp tabalar.

Bügen kümeläçäk 35 qorbannıñ iñ yäşe üterelgändä - 16, iñ qartı - 71 yäşendä bulğan. Alarnıñ ğailälären awır könnärendä yalğız qaldırırğa telämägän meñnärçä keşe irtänge säğat’lärdän ük Potoçaridağı qaberlekkä ağıla başladı. “Tınıçlıq yöreşe”ndä qatnaşqan yaqınça 6 meñ keşe dä cirläwdä qatnaşa.  

Bügenge çaradan soñ memorial’ qaberlektä kümelgännärneñ sanı 6 meñ 610 bulaçaq.



Bäyläneşle xäbärlär