Qara diñgezdä xärbi künegülär

Diñgez köçläre citäkçelegeneñ internet säxifäsennän yasalğan belderügä kürä, “Sea Breeze-18” xärbi künegüläre Ukrainanıñ äydäp baruçanlığında düşämbe könne başlıy.

Odessa portınnan Qara diñgezdä ütkäreläçäk künegülär 17nçe iyül’gä xätle däwam itäçäk. Tınıçlıq urnaştıru xäräkäte häm diñgez iminlegenä bağışlanğan xärbi künegülärneñ maqsatı – künegülärdä qatnaşqan illärneñ diñgez köçläre arasında xezmättäşlekne häm bergä êşli aluçanlıqnı qamilläşterü.

Xärbi künegülärdä Törkiyä belän ber rättän Amerika Quşma Ştatları, Bolgariya, Kanada, Görcestan (Gruziya), Litva, Moldova, Norvegiya, Pol’şa, Rumıniya, Angliya, Şveśiya, İtaliya, Daniya, Êstoniya, Ukraina häm Greśiya qatnaşa.