“Tramp xuş kilmӓdeñ!”
Bryussel’da meñnӓrçӓ keşe Trampnı protest itte
AQŞ ilbaşı Donal’d Tramp kilӓse atnada oyıştırılaçaq NATO oçraşuında qatnaşır öçen baraçaq Bel’giya başqalası Bryussel’da meñnӓrçӓ keşe tarafınnan protest itelde.
Bel’giyadӓge törle ictimaği oyışmalar hӓm hönӓrçelӓr berleklӓreneñ çaqıruı belӓn meñnӓrçӓ keşe Tön’yaq Poyezd vokzalında cıyıldı.
Çığışlarda “Tramp xuş kilmӓdeñ!” dip yazılğan plakatlar kütӓrelde.
Şulay uq “Trampnı tuqtatığız”, “Klimat üzgӓreşe yalğan tügel” hӓm “Xoquqlarıma qağılma” plakatları da bar ide.
Protest çığışlarında Fӓlӓstinne xuplawçılar da buldı. Alar da “Tınıçlıqnı qabat urnaştıriq” şiğar’lӓren ӓytte.
Protestçılar Yaqın Könçığıştağı kiyerenkelekne tağın da arttırğan Trampnıñ tışqı sӓyӓsӓten tӓnqitlӓde.
Rizasızlıq belderüçelӓr soñınnan tınıç rӓweştӓ taraldı.
NATO oçraşuı 11-12 iyul’ könnӓrendӓ Bryussel’da uzaçaq.
