Rusiyäneñ AQŞ saylawlarına tıqşınuı dälillände

AQŞ senatı küzläw komitetı Rusiyä däwlät başlığı Vladimir Putinnıñ 2016nçı yılda Amerikada uzğan saylawlarğa yoğıntı yasarga tırışuı turındağı farazlarnı rasladı. Bu xaqta komitetnıñ xisabı basılıp çıqtı. Anda Rusiyäneñ saylawlarğa tıqşınuı turındağı belderülärneñ döres buluı häm küzläw oyışmasınıñ monı dälilläwe assızıqlana. Xisapta yazılğança, tawış birügä yoğıntı yasaw kürsätmäläre Putin tarafınnan birelgän. “Komitet bu yoğıntı yasaw kampaniyäsen ilbaşı Putinnıñ uñaylawı mäs’äläsendä küzläw oyışması häm açıq çığanaq isäpläwlärenä quşıla,”-diyelgä anda.

Xisapta AQŞ ilbaşı saylawlarında Putin häm Rusiyä xökümäteneñ Donal’d Tramp faydasına demokrat kandidat Xillari Klintonnıñ däräcäsen töşerü öçen tırışuı, monnan tış, saylaw prośessına ruslar tarafınnan siber höcüm buluı xaqındağı süzlärneñ dälillär belän nığıtıluı iğ’tibar üzägenä quyıla.