Qaçaqlar turında mäğ’lümat arxivlaştırılaçaq

Awrupa Berlege qaçaq häm sıyınuçılar xaqındağı şäxsi mäğ’lümatlarnı tağın da kiñäytelgän häm centekle räweştä tuplayaçaq. AB şurası häm Awrupa parlamentı alarnıñ barmaq êze, pasport fotoları häm dokumenttağı mäğ’lümatların arxivqa quyu mäs’äläsendä kileşte.

Anda şäxsi mäğ’lümatlar alınaçaq keşelärneñ yäş’ çige 14tän 6ğa qadär töşerelä. Monnan tış, barmaq êze alu yäisä dokumentqa foto töşerü öçen “çama belän mäcbüriläw”rä röxsät birelä.   

Awrupa poliśiya ofisı Yewropol da terrorçılıq cinayät’läre häm başqa citdi ğamällärne tikşergändä bu mäğ’lümat bazasın qullana alaçaq.

Qayber ictimağıy oyışma wäkilläre qaçaq häm sıyınuçılarnıñ şäxsi mäğ’lümatların alunı “Awrupa Berlegeneñ ikele standartı” bularaq bäyäli.

Awrupa mäxkämäse uzğan yıl Kanadanıñ ABdan kilgüçelärneñ şäxsi mäğ’lümatların saqlamayaçağı turında qarar çığardı. Yäğ’ni, Awrupa berlegennän kilüçe keşe Kanadadan çığuğa, anıñ barlıq şäxsi häm biometrik mäğ’lümatı beterelä.