Antarktikadağı êrü afät däräcäsendä

Antarktikadağı êrü afät däräcäsendä tizlände. Yaña xalıqara tikşerenü nigezendä, Antarktikanıñ 1992nçe-2011nçe yıllar arasında yıl sayın yaqınça 84 milliard tonna bozlıqnı yuğaltuı açıqlandı. Êregän bozlıq miq’darı 2012-2017nçe yıllar arasında 241 milliard tonnadan arttı.

25 yılda tuplam 3 trillion tonna bozlıq yuqqa çıqtı. Monı NASA häm Awrupa ğaläm agentlığı  belän êşläwçe 88 ğalim açıqladı. Alar qıytğada êregän boz qatlawınıñ Texas ştatı qadär mäydannı 4 metr tiränlektäge su belän qaplayaçaq miq’darda buluın isäpläp çığarğan.

Êregän bozlıqlar dön’ya okeanındağı sunıñ 7,6 millimetrğa kütärelüenä säbäp buldı.   

Tikşerenü törkemendäge ğalim İzabella Velikogna: “Borçılırğa kiräk dip sanıym. Bu çarasız buluıbıznı añlatmıy, ämma êşlär kötkännän tağın da tiz bara,”-dide.

Belgeçlär Antarktikanıñ ğasır axırına qadär diñgez däräcäsen 16 santimetrğa arttıracağın farazlıy.