Antarktikada plastik qaldıqlar tabıldı

Ğalimnär dön’yanıñ keşe qulı-ayağı timägän iñ zur saf cire Antarktikada plastik häm zararlı ximikatlar tabıluın belderde. BBC kanalı xäbär itüençä, tikşerüçelär yıl başında 3 ay buyınça materiknıñ iñ yıraq häm keşesez töbäklärennän su häm qar ürnäkläre cıydı. Centekle analizda alarnıñ kübesendä qaluçan zararlı ximikatlar häm mikroplastiklar tabıldı.

Äle küptän tügel genä BMO da plastik çüplärneñ dön’yada tirä-yün’ möxitkä yanawçı iñ zur qurqınıç buluın häm küp illärneñ plastik qullanuğa qarşı çaralar kürüen beldergän ide.

Grinpisnıñ Antarktikanı saqlaw kampaniyäse wäkile Frida Bengtsson äytüençä, tabıldıqlar planetanıñ iñ yıraq cirlärendä dä keşelek tudırğan pıçraqlıqnıñ êzläre tabıluın kürsätä. “Bu çüp-çarnıñ Antarktikağa barıp citüen buldırmaw öçen xäräkät itä başlawıbız kiräk,”-dide ul.