Fuêgo yanartawı qorbannarı arta

Gvatemaladağı Fuêgo yanartawındağı şartlawlar säbäple ülüçelärneñ sanı 69 buldı. Sud mediśinası institutı direktorı Fanuêl’ Garsiya tabılğan cäsädlärdän 17seneñ kemlege açıqlanmawın belderde. “Ülüçelärneñ kem buluın açıqlaw şaqtıy awır,-dide ul. – Qayberläreneñ yözläre yuq, qayberläreneñ – barmaqları. Kemleklären bilgeläw öçen başqa ısullarnı qullanırğa mäcbür bulaçaqbız. Bälki DNK ürnäklären alırbız.”

İlbaşı Djimmi Morales tä hälakät töbägenä barıp tikşerülärdä qatnaştı. Qotqaruçılar lavalar arasında qalğan 10lap keşene boralaq yärdämendä qamalıştan çığardı.

Başqala Gvatemaladan 40 kilometr  yıraqlıqtağı Fuêğo yanartawında yäkşämbe könne şartlawlar buldı häm atılğan lavalar El Rodeo awılındağı öylärne yuqqa çığardı. Bu waqıtta bik küp keşeneñ yanıp ülüe xäbär itelä. Yaralanuçılarnıñ sanı da şaqtıy. Alar xastaxanägä salındı. 3 meñ 200dän artıq keşe imin urınnarğa iltelde.

Räsmi zatlar yanartawdağı şartlawlardan 1,7 million keşeneñ täêsirlänüen belderde.