NATO Rusiyäneñ höcümenä äzerlänä

Germaniyada çığuçı “Welt am Sonntag” gazetında NATOnıñ 30 köndä xäräkätkä küçä aluçı 30 meñ keşelek berlek tözergä planlaştıruın belderälär. Xäbärdä äytelgänçä, bu Rusiyädän yasalaçaq höcümgä äzerlek maqsatınnan êşlänä. Gazet, NATO diplomatlarının süzenä tayanıp, 30 meñ xärbine berläşteräçäk bu berlekneñ yözlärçä oçqıç häm köymälär belän cihazlandırılaçağın yaza.

Kiläse atnada Brüssel’dä NATO däwlätläre saqlanu ministrları qatnaşında cıyılış bulaçaq. Anda bu mäs’älä urtağa quyılır dip kötelä. Yaña qarşılıq köçen tözü täq’dime Amerika Quşma Ştatlarınnan kilgän. Häm bu proyektta Germaniya baş rol’ne uynayaçağın da belderälär.