Fälästin Milli parlamentı AQŞnı tänqıyt’läde

Fälästin Milli parlamentı räise Sälim äz-Zanun BMO iminlek şurasınıñ fälästinlelärne yaqlaw turındağı proyektına veto quyğan AQŞnı tänqıyt’läde. Ul älege däwlätneñ İzrail’ cinayät’lärenä urtaq buluın belderde.

AQŞ BMO iminlek şurasınıñ ğamäldäge äğ’zalarınnan Küveyt täq’dim itkän proyektqa kiçäge tawış birüdä veto quydı. Monnan tış, Amerika fälästinlelärne yaqlaw dokumentın tıyğannan soñ, Xamasnı ğayeplägän üz proyektın tawışqa quydı. Ul kiräkle 9 tawışnı cıya almawı öçen qabul itelmäde. Proyektnı barı tik AQŞ üze yaqlap tawış birde.