Lavrov Tön’yaq Koreyağa bara

Rusiyä tışqı êşlär ministrı Sergey Lavrov irtägä pänceşämbe könne Tön’yaq Koreyağa baraçaq.

Rusiyä tışqı êşlär ministrlığınnan yasalğan açıqlawda: “Rusiyä tışqı êşlär ministrı Sergey Lavrov 31 may könne Tön’yaq Koreyağa räsmi säfär yasayaçaq,” – dip äytelde.

Açıqlawda tübändäge yullar urın ala: “İke ilneň tışqı êşlär ministrları arasında söyläşü planlandı, söyläşüdä könüzäk kön tärtibeneň qaraluı, ayıruça Koreya yarımutrawı tirä-yağındağı wazğiyät’ häm qalğan ähämiyätle xalıqara häm regional’ problemalar mäs’äläsendä fiker alışu kötelä.”

Amerika Quşma Ştatları däwlät başlığı Donal’d Tramp Tön’yaq Koreya liderı Kim Çjen-in belän 12 iyun’ könne Singapurda ütkäräçäk söyläşüne ğamäldän çığaruın citkergän ide.

Läkin soňınnan Tön’yaq Koreya häm AQŞ wäkillekläre ixtimallı söyläşü öçen diplomatiya xäräkäten tizlätkän ide.