Bel’giyada poliśiya qaçaq sabıynı atıp üterde

Bel’giya poliśiyäse qaçaqlar taşuçı furgonnı qualağan arada anıñ êçendäge ber balanıñ ülemenä säbäpçe buldı. Alar şikle maşinanı tuqtatu öçen ut açqan. Soñınnan açıqlanğança, yädrä 2-3 yäş’lärendäge sabıynıñ yanağına kerep, anıñ ğomeren özgän.

Tikşerüne alıp baruçı prokuror İgnasio de la Serna beldergänçä, 17nçe may könne bulğan älege waqıyğa centekläp öyränelä. Ut açqan poliśiya wäkilen sud'ya qarşısına çaqırğannar häm barlıq dälillärne kürsätkännär. “Ut açqan poliśiya xezmätkäre bik zur qayğıda. Mondıy xäl kilep çığuın berqayçan da telämäwen belderde,”-di prokuror.

Tikşerü başında balanın ğomeren özgän yädräneñ poliśiya xezmätkäre tarafınnan atıluın kire qaqqannar ide. Bu waqıyğa Bel’giyada bäxäslär kiterep çığardı. İminlek saqçılarınıñ ilgä sıyınğan sabıynı üterüenä rizasızlıq belderüçe ictimağıy oyışmalar bügen miting oyıştırdı.