Bala tudıru tıyılğan utrawda bäbi dön’yağa kilde

3 meñ keşe yäşi torğan Fernando de Noron’ya utrawında inde 12 yıl dön’yağa yaña awaz salğan sabıy tawışı işetelmi ide

975688
Bala tudıru tıyılğan utrawda bäbi dön’yağa kilde

Braziliyada bala tudıru tıyılğan utrawda bäbi dön’yağa kilde. BiBiSi xäbärenä qarağanda, 3 meñ keşe yäşi torğan Fernando de Noron’ya utrawında inde 12 yıl dön’yağa yaña awaz salğan sabıy tawışı işetelmi. Cirlek dön’yanıñ iñ matur plyajlarınnan bersenä iyä. Mäşhür su astı yäşäm rezervların saqlaw öçen utrawdağı xalıq sanın arttırmıylar. Yökle xatın-qızlarnıñ qıytğağa küçenüen taläp itälär.

 Utrawdağı qağıydäne 22 yäş’lek xatın-qız bozdı. Ul atna axırında ber qız bäbi alıp qayttı. Yäş’ xanım awırlı buluın belmäwen häm bu waqıyğa turında äytergä süz taba almawın söyli. “Comğa kön kiçen awırta başladım. Soñınnan bala tudı. Qız bäbäy. Minem öçen şaqqatmalı xäl,”-di ul. Utrawda bala tudıru yortları yuq. Xatın bäbine öyendä tapqan. Soñınnan, sälamätlegen tikşerü öçen, yaña tuğan sabıynı çirle xastaxanägä iltkännär. Xalıq utrawda yaña keşe payda buluğa qanäğat’. Kürşe-küläm ğailägä yärdäm itä.



Bäyläneşle xäbärlär