Rusiyӓneñ qoral êksportı
2017 yılda qoral êksportı 13,4 milliard dollarğa citkӓn
Rusiyӓdӓge dӓwlӓt saqlanu sӓnӓgӓte şirkӓte “Rostex”nıñ yuğarı dӓrӓcӓle citӓkçese Sergey Çemezov Rusiyӓneñ qoral êksportınıñ çiklӓwlӓrgӓ qaramastan 2017 yılda 2016 belӓn çağıştırğanda 2,3%ka artıp, 13,4 milliard dollarğa citüen ӓytte.
Çemezov Rusiyӓ Federaśiyase dӓwlӓt başlığı Vladimir Putin belӓn Soçida ütkӓrgӓn söylӓşüdӓ “Rostex” keremeneñ 2017 yılda 2016 yılğa kürӓ 38%ka artıp, 121 milliard sumğa citüen belderde.
Çemezov tübӓndӓgeçӓ dӓwam itte: “Rostexnıñ bazardağı qimmӓte dӓ soñğı 10 yılda öç tapqırğa artıp, 3 trillion sumnan uzdı.”
Sergey Çemezov şirkӓtneñ qoral êksportında da artışnıñ küzӓtelüenӓ iğtibarnı cӓlep itep: “Çiklӓwlӓrgӓ qaramastan qoral êksportıbız 13,4 milliard dollarğa citte. Xӓrbi-texnik ölkӓdӓge qalğan xezmӓttӓşleklӓrne dӓ kertsӓk, barlığı êksport külӓmebez 15 milliard dollardan uzdı,” – dide.
Stokgol’mdağı Xalıqara tınıçlıq tikşerenülӓre institutı açıqlağan xisapqa kürӓ dönyada qoral êksportınıñ 20%ın çınğa aşırğan Rusiyӓ 2017 yılda AQŞtan soñ dönyanın iñ zur ikençe qoral êksportçısı buldı.
