Putin yaña ministrlar kabinetın rasladı

Rusiyä ilbaşı Vladimir Putin xökümät räise Dnitriy Medvedev tarafınnan täq’dim itelgän yaña ministrlar kabinetın xupladı

974076
Putin yaña ministrlar kabinetın rasladı

Rusiyä ilbaşı Vladimir Putin xökümät räise Dnitriy Medvedev tarafınnan täq’dim itelgän yaña ministrlar kabinetın xupladı. İsemlektä tışqı êşlär ministrı Sergey Lavrov häm saqlanu ministrı Sergey Şoygunıñ êşlären däwam itüläre kürenä. Putin yaña ministrlarğa wäqalät birüçe dokumentnı bügen imzaladı.

Medvedev birgän isemlektä êşlären däwam itterergä tiyeş dip sanaluçı ministrlar bolar: inde äytelgänçä, tışqı êşlär ministrı Sergey Lavrov häm saqlanu ministrı Sergey Şoygu üz urınnarında qala. Başqa känäfilärdä ênergetika ministrı Aleksandr Novak, êçke êşlär ministrı Aleksandr Kolokol’śev, sälamätlek saqlaw ministrı Veronika Skvorśova, sänäğat’ häm säwdä ministrı Denis Manturov, sport ministrı Pavel Kolobkov, iq’tisadi üseş ministrı Maksim Oreşkin häm sośial’ täêmin itü ministrı Maksim Topilin.

Putin, Rusiyädä 18nçe martta bulğan ilbaşı saylawlarında ciñgännän soñ, yaña xökümät qoru wäqaläten Dmitriy Medvedevqa tapşırğan ide.  



Bäyläneşle xäbärlär