Franśiyada pıçaqlı höcüm

Franśiya başqalası Parijda bulğan höcümne DEAŞ terrorçılıq oyışması üz östenä aldı. Anda 1 keşe ülde, 4 keşe yaralandı. Höcüm şähärneñ märkäzendä – turistlar küp kilä torğan Opera mäydanı tiräsendä yasaldı. Şöbhäle qulındağı pıçağı belän cäyäwlelär östenä taşlandı. Poliśiya aña qarşı ut açtı. Höcüm itüçene üterdelär. Anıñ 1997nçe yılğı buluı häm çığışı belän Çäçänstannan ikäne açıqlandı. Ul êzärleklänüçe terrorçılar isemlegendä bar. Franśuz poliśiyäse höcüm itüçeneñ änise häm ätisen soraştıru öçen saq astına aldı.   

İlbaşı Êmmanuêl’ Makron sośial’ çeltärdä höcüm belän bäyle belderü yasadı. “Franśiya tağın ber qat qan belän tüläde, ämma irek doşmannarına berqayçan da yul quymayaçaqbız”,-dide ul.

Franśiya êçke êşlär ministrı Jerar Kolomb ta xastaxanädä yaralılarnıñ xälen belde.

2015nçe yıldan birle ildä DEAŞ terrorçıları oyıştırğan höcümnärdä 240tan artıq keşeneñ ğomere özelde.