Soğud Ğaräbstanınıñ atom-töş kileşüe xaqında belderüe

Soğud Ğaräbstanı Tışqı êşlär ministrı Adil äl Cubeyr İran atom-töş programmasına kire qaytsa, däwlätneñ atom-töş qoralı yasayaçağın belderde.

967811
Soğud Ğaräbstanınıñ atom-töş kileşüe xaqında belderüe

Soğud Ğaräbstanı Tışqı êşlär ministrı Adil äl Cubeyr İran atom-töş programmasına kire qaytsa, däwlätneñ atom-töş qoralı yasayaçağın belderde.  

Cubeyr bu wäzğıyät’ belän bäyle fikerlären CNN telekanalına söyläde.  

Ul 2015nçe yılda tözelgän İran atom-töş kileşüeneñ kimçelekle buluın häm anıñ balistik raketa programmasın üz êçenä almawın belderde. İrannıñ terrorçılıqqa yärdäm itüen häm yaqın-tirä illärneñ êşenä qısıluın assızıqladı. Bu säbäple AQŞ ilbaşı Donal’d Trampnıñ bu qararın yaqlawların äytte.    

Cubeyr, ägär İran atom-töş programmasına kire qaytsa, Berläşkän Millätlär İminlek şurasınıñ AQŞ tışındağı başqa däwlätläreneñ dä kileşüdän baş tartırğa häm İranğa sankśiyälär kertergä tiyeşlegen söyläde.

Soğud Ğaräbstanınıñ da atom-töş bombasına iyä bulu mömkinlege açıqlandı. “İran atom-töş qoral çığara alaçaq däräcägä citsä, bez dä xalqıbıznı saqlaw öçen kiräk bulğannı êşlärbez,”- dide räsmi zat.

Cubeyr İrannıñ Yämändä Xusilärne balistik raketa belän täêmin itüen tuqtatırğa kiräklegenä dä basım yasadı.  

AQŞ ilbaşı Tramp Aq Yortta yasağan belderüendä däwlätneñ İran belän tözelgän atom-töş kileşüennän ayırılacağın häm 2015 nçe yılda tuqtatılğan iqtisadi sankśiyälärneñ iñ köçle räweştä yañadan tormışqa aşırılacağın söyläde.  



Bäyläneşle xäbärlär