Franśiyada studentlarnıñ baş kütärüen bastıralar

Franśiyada mäğarif reformasına qarşı çığuçı studentlar tarafınnan 6nçı martta basıp alınğan Tuluz Jan-Jores Universitetın poliśiya buşatuğa ireşte.

967558
Franśiyada studentlarnıñ baş kütärüen bastıralar

Franśiyada mäğarif reformasına qarşı çığuçı studentlar tarafınnan 6nçı martta basıp alınğan Tuluz Jan-Jores Universitetın poliśiya buşatuğa ireşte. Cirle mäğ’lümat çaraları uqu yortınnan 70 uquçınıñ çığarıluın söyli. Xäbärdä 200läp iminlek xezmätkäre qatnaşqan êvakuaśiyäneñ yaqınça 1 säğat’ baruın yazalar.

Töbäk üzidaräse yazma belderüendä uqu yortın buşatunıñ tınıç uzuın häm bernindi küñelsez xäl kilep çıqmawın söyli. La Depeche gazetı isä, operaśiya wazqıtında 3 keşeneñ yaralanuın, soñınnan däwam itkän çaralarda 1 keşeneñ qulğa alınuın yaza. Studentlarğa teläktäşlek kürsätergä cıyıluçılarnıñ ber metro stanśiyasın basıp alırğa mataşuın xäbär itälär. Şulay uq, operaśiya waqıtında häm soñınnan poliśiyanıñ qırıs möğamälä kürsätüen, uquçılarnı cirdä söyräp yörtülären häm täpäç belän qıynawların yazalar.

Franśiyada mäğarif reforması häm universitetqa qabul itü şartlarına tözätülärne küzallağan proyıkt fevral’ ayında parlamenttan çıqtı. Moña reakśiya kürsätü yözennän studentlar 50 dän artıq universitetta rizasızlıq çaraları başladı. Poliśiya alarnı bastıruğa ireşte.  



Bäyläneşle xäbärlär