Şveyśariya Süriyägä tıyılğan ximik matdä satqan

Şveyśariyanıñ Süriyägä tıyılğan ximik matdä satuı açıqlandı. Bu sarin gazı yasawda qullanıla torğan izopropil. 5 tonna külämendäge matdäne Süriyägä ber Şveyśariya şirkäte räsmi röxsät belän satqan. Bu 2014nçe yılnıñ may ayında bula - Ximik qorallanunı tıyu oyışmasınıñ Süriyädä 133 tonna izopropil yuq itelüen beldergännän soñ 6 ay ütkäç.  Şveyśariya däwlät telekanalında çıqqan xäbärdä äytelgänçä, 5 tonna tıyılğan ximik matdäneñ satışın bernindi qanun kirtälärenä êläkmiçä tormışqa aşıralar. Süriyägä izopropil cibärelüen Şveyśariyanıñ däwlät iqtisad särqatiplege dä rasladı. Alar satıp aluçınıñ daru çığaruçı şäxsi firmadan buluın belderde. Älege şirkätneñ rejim belän bäyläneşen êlek tä, xäzer dä kürmäwlären assızıqladılar.

Şveyśariya tarafı Awrupa däwlätläreneñ Süriyägä qarşı ğamälgä kertkän sankśiyälären bozmawın, çönki 2014nçe yılda izopropil matdäsen satuda tıyu bulmawın söyläde.

İlneñ parlamentındağı İminlek säyäsäte komissiyäse tıyılğan ximik matdä satu waqıyğasın här’yaqlap tikşerergä çaqırdı.