Süriyӓ rejimına ğayeplӓwlär
Duma ilçӓsendӓge küplӓp üterügӓ bar dönya reakŝiya belderde
Könçığış Gutanıñ Duma ilçӓsendӓge küplӓp üterügӓ bar dönya reakŝiya belderde. Süriyӓ rejimı tağın ber tapqır ğayeplӓnde.
Amerika Quşma Ştatları dӓwlӓt başlığı Donal’d Tramp höcümnӓn İran hӓm Rusiyӓne cawaplı tottı.
İlbaşı Tramp soŝial’ mediada Ӓsӓdne mısqılladı. “Cawap birӓçӓk” - dip, yanadı.
Amerikan Däwlät departamentı süzçese Heather Nauert ta Rusiyäne Äsӓd rejimına xuplaw kürsӓtmӓskӓ çaqırdı.
Höcümne ğayeplӓgӓn Awrupa Berlege dӓlillӓrneň rejimğa işarӓt itüen belderde.
Yasalğan açıqlawda Rusiyӓ hӓm İrannan aldağı ixtimallı höcümnӓrne buldırmaw öçen tӓêsirlӓren qullanuları talӓp itelde.
Berlӓşkӓn Millӓtlӓr Oyışması ğomüm sӓrqӓtibe Antonio Guterres tınıç xalıqqa qarata ximik qoralnıň qullanıluınnan borçu toyuların, höcüm belӓn bӓyle kiň qırlı tikşerüneň başlatıluı zarurlığın açıqladı.
Franŝiya Berlӓşkӓn Millӓtlӓr Oyışması İminlek şurasın cıyılırğa çaqırdı. Angliya rejim hӓm tarafdarların ğayepsez keşelӓrgӓ qarata qırıslıqnı tuqtatırğa çaqırdı.
İslam xezmӓttӓşlek oyışması Süriyӓ rejimınıň Dumadağı ximik qoral höcümen ğayeplӓde.
Qatar aşığıç xalıqara tikşerüneň başlatıluın soradı.
Duma ilçӓsendӓ ximik qoralnıň qullanıluı İdlib, Xӓleb hӓm Hama xalqı tarafınnan da protest itelde.
Tӓnqitlӓrgӓ duçar qalğan İran isӓ berlektӓşen yaqlap, ximik qoral höcüme dӓğwaların kire qaqtı.
