NASA iñ yıraq yoldıznı töşerde

NASA ğalimnäre cirdän 9 milliard yaqtılıq yılı yıraqlığındağı yoldıznı kürä aldı. Bu mömkinlek Xabbl teleskobı belän ğalämne tirännän öyränü barışında tudı. Zäñgär zur yoldız – moña qadär töşerep bulğan iñ yıraq yoldız. Aña grek mifologiyäsennän balawız belän yabıştırılğan qanat tağıp koyaşqa taba oçqan qahramannıñ iseme – “İkarus”nı birdelär.

Ğalimnär dön’yadan 5 milliard yaqtılıq yılı yıraqlığındağı galaktikalarnı tikşergändä êlegräk anda kürenmägän cemeldäwgä iğ’tibar itä. Analizlar näticäsendä anıñ zur zäñgär yoldız buluın açıqlıylar. Älege kük ciseme başqa yoldıznıñ artında bulğan häm ul urının üzgärtkännän soñ kürenä başlağan.