Nigeriyada Boko Xaram belän bäreleş

Nigeriyada terrorçı oyışma Boko Xaram belän iminlek köçläre arasında çıqqan bäreleştä kimendä 18 keşe ülüe turında xäbär itälär. Atışu ilneñ tön’yaq- könçığışında Mayduguri şähäre yanındağı ike awılda tönge säğat’lärdä başlanğan. Boko Xaram terrorçıları häm xärbiläre arasında ut açılğannan soñ awıl keşeläre qaçarğa mataşqan. Ämma bäreleşneñ urtasında qalğannar. 18 keşe ülğän, 84 e yaralanğan. Bu töbäk Boko Xaramnıñ çıqqan cire bularaq ta bilgele. İldä 9 yıl barğan terrorçı höcümnärendä 20 meñ keşe ülgän, 2 million keşe küçenergä mäcbür bulğan.