“Zur üzgӓreş yöreşe” başlandı

Protestçılar çikkӓ 700 metr yaqınlıqta bilgele urınnarda cıyılıp, çara oyıştıraçaq

941113
“Zur üzgӓreş yöreşe” başlandı

Fӓlӓstinlelӓrneñ “Zur üzgӓreş yöreşe” başlandı.

İzrail 1976 yılnıñ 30 mart könne fӓlӓstinlelӓrneke bulğan meñnӓrçӓ m2 cirne qulğa töşerüennӓn soñ barlıqqa kilgӓn waqiğalar iskӓ alınğan “Tufraq köne”ndӓ “Zur üzgӓreş yöreşe” öçen Ğazzӓdӓ çik buyına taba yörü başlağannar.

Falӓstin bayraqların kütӓrgӓn şaqtıy keşe 1948 yılda cirlӓrennӓn küçep kitӓrgӓ mӓcbür itelgӓn fӓlӓstinlelӓrneñ kire qaytu xoquqın yaqlaw hӓm İzrailne protest itӓr öçen Ğazzӓneñ tön’yaq, kön’yaq hӓm urta töbӓklӓrennӓn çik buyına taba quzğalğan.

Protestçılar çikkӓ 700 metr yaqınlıqta bilgele urınnarda cıyılıp, çara oyıştıraçaq.

Yöreşne oyıştıru komitetı bu alannarda çaqtırlar qorğan.

Fӓlӓstinlelӓrneñ tınıç maqsatlı bulacağın assızılawına qaramastan İzrail armiyase çarağa qarşı xӓzerlek kürgӓn.

İzrailneñ “Haaretz” gazetında urın aluçı ber xӓbӓrdӓ armiyaneñ çikne uzarğa tırışqan fӓlӓstinlelӓrgӓ ut açu mӓs’ӓlӓsendӓ boyırıq aluı belderelgӓn.

İzrailneñ Ğomüm ştab başlığı Gadi Eisenkot aldağı könne fӓlӓstinlelӓr yöreş waqıtında İzrail asqorımalarına höcüm itkӓn oçraqta çın pulya qullanırğa röxsӓt birӓçӓgen citkergӓn ide.



Bäyläneşle xäbärlär