"10-15 yıl êçendӓ İran belӓn suğışaçaqbız"

Soğud Ğarӓbstanı prinśı İranğa tağın da qırıs çiklӓwlӓr qullanırğa çaqırğan

941208
"10-15 yıl êçendӓ İran belӓn suğışaçaqbız"

Soğud Ğarӓbstanınıñ tӓxet warisı prinśı Möxӓmmӓd bin Sӓlman könbatış illӓren İranğa tağın da qırıs çiklӓwlӓr qullanırğa çaqırğan.

AQŞqa sӓfӓrendӓ “Wall Street Journal” gazetına interv’yu birgӓn Sӓlman: “İran belӓn xӓrbi bӓreleşüdӓn taypılu öçen monı yasarğa tiyeş bez, yuğisӓ 10-15 yıl êçendӓ İran belӓn suğışaçaqbız,” – digӓn.

Sӓlman AQŞ sӓfӓrenӓ çıqqançı CBSnıñ “60 minut” isemle tapşıruında yasağan açıqlawında isӓ İrannıñ dini liderı Atetullah Ali Hamaney turında “Yaqın Könçığıştağı yaña Gitler” dip ӓytkӓn ide.

Yӓş’ prinś: “Soğud Ğarӓbstanı atom-töş bombasın telӓmi, lӓkin hiçşiksez İran atom-töş bomba yasasa, bez dӓ qısqa waqıtta şundıynı uq yasarbız,” – digӓn ide.

Monnan soñ İran tışqı êşlӓr ministrlığı süzçese Behram Kasımi Soğud Ğarӓbstanı tӓxet warisın tӓcribӓsez itep tasiwlağan ide.



Bäyläneşle xäbärlär