Angliya bay rus keşelären tikşeräçäk

Angliya, êlekkege ikeyaqlı agent Sergey Skripal’ belän qızı ağulanğannan soñ, ruslarğa qarşı tağın ber adım yasadı. Angliyädä yäşäwçe 700 bay Rusiyä watandaşı tikşereläçäk. Êçke êşlär ministrı Amber Radd beldergänçä, alarnıñ bu baylıqnı nindi yullar belän tuplawı qızıqsındıra. Bu tikşerü näticasendä nindi adımnar yasalaçağı xäbär itelmi. Mal-mölkäten cinayät’ yulı belän cıyuçılar açıqlansa, cawaplılıqqa tartılaçaqmı -  Amber Radd monı äytmäde. Angliya viza säyäsäte şartlarına kürä, ilga 2 million sterling külämendä investiśiyä yasawçılar anda yäşäw xoquqı qazana. Bu sistema 2015nçe yılda qatğıylaştırıldı. İnvestiśiyä öçen qullanılğan aqçanıñ çığanağın tikşerä başladılar. Näticädä, viza alırğa teläwçelär 86%qa kimede.