Xalıqara yarlıqaw oyışması fälästinle qız Ahäd ät-Tamimine yaqlıy

İzrail’ xökümäte, Ahädne mäxküm itep, fälästinle balalarnıñ xoquqların sanğa suqmawların häm  diskriminaśiya säyäsätennän baş tartırğa cıyınmawların tağın ber tapqır kürsätte

935945
Xalıqara yarlıqaw oyışması fälästinle qız Ahäd ät-Tamimine yaqlıy

Xalıqara yarlıqaw oyışması fälästinle qız Ahäd ät-Tamimine kiçekmästän irekkä çığarırğa çaqırdı. Alarnıñ yazma belderülärendä äytelgänçä,  Tamimine saq astında totu - basıp aluçılarğa qarşılıq kürsätüçelärne qurqıtu maqsatınnan êşlänä. İzrail’ xärbi mäxkämäse 17 yäş’lek qızğa 8 ay törmä cäzası häm 5 meñ şäkäl (yaqınça 400 dollar) ştraf tüläw qararı çığardı.  

Yarlıqaw oyışmasındağılar fikerençä, İzrail’ xökümäte, Ahädne mäxküm itep, fälästinle balalarnıñ xoquqların sanğa suqmawların häm  diskriminaśiya säyäsätennän baş tartırğa cıyınmawların tağın ber tapqır kürsätte. Balalar xoquqları kileşüen İzrail’ dä raslağan ide. Anda balanıñ saq astına alınuı barı tik soñğı çara bularaq qullanılırğa tiyeşlege häm qısqa waqıt öçen genä ğamälgä aşırıla aluı assızıqlanğan.  



Bäyläneşle xäbärlär