Kosova parlamentında gaz bombası attılar
Bu xäl Montenegro belän çik buyların yañadan bilgeläw kileşüenä tawış bireläçäk utırışta bula
Kosova parlamentında ike tapqır gaz bombası şartlattılar. Bu xäl Montenegro belän çik buyların yañadan bilgeläw kileşüenä tawış bireläçäk utırışta bula. Gaz bombasın “Üzeñ qarar bir xäräkäte” partiyäse deputatları ata. Alar Kosovo-Montenegro çik kileşüe uñaylanuı xaqındağı qanun proyıktına tawış birüne özärgä teli. Berençe tapqır gaz bombası atılğannan soñ deputatlar utırış zalınnan çığıp, 1 säğat’tän soñ kire kerälär. Alarnı ikençe gaz bombası qarşılıy. Utırışta qabat tänäfes iğ’lan itelä. Anıñ qayçan betäse bilgele tügel.
Könüzäk mäs’älä buyınça 9 säğat’ barğan tıñlawlar tönlä genä betep, tawış birüne ikençe köngä qaldırğan bulğannar.
Kosova oppoziśiyäse 2 yıl êlek tä parlament utırışında gaz bombası şartlatıp, Kosovo-Montenegro çiklären yañadan bilgeläw kileşüeneñ qabul itelüenä kirtä bulğannar ide.
