Fälästinle batır qıznıñ maxkämäse yabıq işeklär artında uza

16 yäş’lek fälästinle Ahäd ät-Tämimineñ ätise qızınıñ utırışların jurnalistlar öçen yabıq dip iğ’lan itte

933841
Fälästinle batır qıznıñ maxkämäse yabıq işeklär artında uza

İzrail xärbi maxkämäsendä saq astında xökem itelüçe 16 yäş’lek fälästinle Ahäd ät-Tämimineñ ätise qızınıñ utırışların jurnalistlar öçen yabıq dip iğ’lan itte.  Çönki dön’ya cämäğat’çelegeneñ bu mäs’älä belän bik qızıqsınuı İzrail’ tarafın borçıy başlağan. Şul säbäple moña qadär bulırğa tiyeşle 2 utırışnı küçergännär.  Ahäd ät-Tämimi häm änise Näriman xärbi törmädä saq astında totıla. Alar soñğı tapqır 13nçe fevral’dä maxkämä qarşına basqan. Ğailä başlığı Basim ät-Tämimi: ”Bu mäxkämälärdän ğadellek kötü urınsız. Dön’yanıñ Ähäd däğ’wası belän qızıqsınuı käyeflären beterde häm xalıqnıñ bu teatrnı kürülären telämilär. Mäxkämä işegen yabıp dön’yanıñ qızıqsınuın kimetergä uylıylar,”-dide.

İzrail’ xärbiläre 16 yäş’lek Ahäd ät-Tämimine 2017nçe yılnıñ 19nçı dekabrenda Ramallaxta öyennän alıp kitte. Änise Näriman da bu waqıyğadan soñ ikençe könne qızı turında beleşergä barğan cirennän qulğa alındı. Çärşämbe kön bulaçaq utırışta Ahäd belän bergä änise häm tuğannan tuğanı da maxkämä qarşına çığaçaq.  

Fälästinle batır qız 2012nçe yılda abıysın qulğa alğanda İzrail xärbilärenä qarşılıq kürsätüe öçen İstanbulda “Hanzala qıyulıq büläge”nä layıq buldı.   



Bäyläneşle xäbärlär