AQŞ Rusiyağa qarşı yaña sankśiyälär kertte

Xäzer sankśiyälär isemlegenä Federal’ qurqınıçsızlıq xezmäte häm Däwlät küzläw idaräseneñ yaña wäkilläre östälde

931178
AQŞ Rusiyağa qarşı yaña sankśiyälär kertte

Angliya küzläw oyışmasına êşlägän êlekkege rus agentı Sergey Skripal’ häm qızı Yuliyanıñ ülemendä Mäskäwne ğayepläw artınnan AQŞ ta Rusiyağa qarşı yaña sankśiyälär kertte. Döresräge, 2016nçı yılda kertelgän sankśiyälärne kiñäytte. Vaşington ul waqıtta Rusiyäneñ AQŞ ilbaşı saylawlarına tıqşınuınnan şöbhälängän ide. Şuña kürä rus oyışmaları häm watandaşlarına qarata qayber tıyular çığarıldı. Xäzer sankśiyälär isemlegenä Federal’ qurqınıçsızlıq xezmäte häm Däwlät küzläw idaräseneñ yaña wäkilläre östälde.   Tıyular, şulay uq, 5 oyışma häm tağın 19 şäxeskä qağıla. İsemlektä rus êşmäkäre Yevgeniy Prigojin häm aña bäyle Konkord Keytering häm Konkord Menedjment şirkätläre dä urın alğan.  

Sankśiyälär Trampnıñ Angliya, Germaniya häm Franśiya belän bergä Rusiyäne “Angliyanıñ suverenlığına höcüm itü”dä ğayeplägän urtaq belderüennän soñ qabul itelde.



Bäyläneşle xäbärlär