Rusiyä – Angliya qarşılığı BMO utırışında tikşerelä

Angliya êlekkege rus agentı Sergey Skripal’ häm qızınıñ ağulanuı belän bäyle räweştä BMOnıñ iminlek şurasın aşığıç utırışqa cıydı. Rusiyäne ul “üterügä omtılış häm qanunsız köç qullanıp xalıqara xoquqnı bozuda” ğayepläde.  Mäskäw bolarnı kire qaqtı häm urtaq tikşerü alıp barırğa çaqırdı.

Utırışta Angliya tarafı Rusiyäneñ “däwlät yärdäme belän üterü oyıştıru, başqa illärneñ êşenä tıqşınu, tınıç xalıqnıñ ğomerenä ähämiyät birmäw oçraqları” küp buluın iskä töşerä. Şulay uq, Mäskäwneñ Siriyädä ximik qoral qullanuçı rejimnı härdaim yaqlawın da küz uñınnan ıçqındırmadılar. AQŞnıñ BMOdağı daimi wäkile Nikki Xeyli da Angliyada ximik matdä qullanuda Rusiyäne cawaplı kürep, däwlätneñ “räximsez cinayät’ êşläwen” äytte. Rusiyäneñ BMOdağı daimi wäkile Vasiliy Nebenziya Skripal’ belän qızınıñ ağulanuı artında Rusiyäneñ toruın kire qaqtı.  “Bezneñ bu waqıyğalarğa bernindi qatnaşıbız yuq. Bez urtaq soraştıruğa äzer. Qurqırlıq häm yäşererlek närsä êşlämädek,”-dide Nebenziya.