Könbatış Afrika illärendä Lassa bizgäge afäte

Nigeriya, Gana häm Liberiyada taralğan Lassa bizgägennän 100 dän artıq keşeneñ ğomere özelde. Wäqalätle organnar xaywannardan keşelärgä küçä häm keşedän keşegä iyärä torğan virusnı tuqtatu öçen aşığıç çaralar planın tözi. Alar kizüneñ gigiyenası tübän urınnarda taraluına iğ’tibar yünältä. Lassa bizgäge tıçqan tizäge, tökerege yäisä qanınnan êlägergä mömkin. Kanaw häm yuğarı temperatura belän başlanğan çir gömer özelügä säbäpçe bula ala. Ülüçelärneñ küplege çista su bulmaw, mediśina yärdämeneñ tiz häm näticäle yasalmawına bäyle.  

Lassa bizgägennän iñ nıq zarar kürgän däwlätlärneñ başında – Nigeriya. Räsmi mäğ’lümatlarğa qarağanda, ilneñ 19 töbägendä ğıynvar ayınnan birle 114 keşe ülgän. Barlığı 3126 keşegä çir yoqqan.

Kizü Liberiyada da bar. Anda 32 keşe bu awırudan ülgän.    

Lassa bizgäge berençe tapqır 1969nçı yılda Nigeriyanıñ Lassa töbägendä terkälgän. Älege çir êbola belän ber ük törkemgä kerä, ämma aña qarağanda ciñelräk häm irtä diagnoz quyu mömkinlege bar.