Xatın-qız oçuçınıñ sere 81 yıldan soñ açıldı

Tın okeandağı Nikumaroro utrawında 1940nçı yılda tabılğan keşe söyäkläreneñ Amerikalı oçuçı xatın-qız Ameliya Êrxartnıqı buluı açıqlandı

926243
Xatın-qız oçuçınıñ sere 81 yıldan soñ açıldı

Tın okeandağı Nikumaroro utrawında 1940nçı yılda tabılğan keşe söyäkläreneñ amerikalı oçuçı xatın-qız Ameliya Êrxartnıqı buluı açıqlandı. Ul 1937nçe yılda şul rayonda oçış waqıtında yuqqa çıqqan ide.

Tikşerüne AQŞnıñ Tennesi Universitetı professorı Riçard Yanś alıp barğan. Ul êşeneñ näticalaren “Forensik Antropoloji” jurnalında bastırıp çığara. “Ameliya Êpxart häm Nikumaroro Bones” dip ataluçı mäqalädä Gavayidan yaqınça 2 meñ 900 kilometr kön’yaq-könbatışta keşesez urtawda tabılğan söyäklärneñ amerikalı oçuçınıqı buluı dälillänä. Şunısı qızıq, söyäklär saqlanmağan. Tikşerü alarnıñ fotoräsemnärenä qarap alıp barıla. Fordisk dip isemlängän cihaz yärdämendä tabılğan söyäklärneñ tözeleşen Êrxartnıñ buyı häm kilosı belän çağıştırğannar. Tikşerü şulqadär centekle alıp barılğan ki, xätta tegü belgeçlären çaqırıp, oçuçınıñ fotosında kigän kiyemnäreneñ razmerların, kükräk häm bil ülçäwlären açıqlıylar.  Böten mäğ’lümat bergä tuplanğannan soñ, tabılğan söyäklär 99% ixtimal belän Ameliya Êrxartnıqı digän näticägä kilälär.



Bäyläneşle xäbärlär