Könçığış Gutada bombalı höcümnär tuqtamıy

Süriyädä Äsäd rejimınıñ Könçığış Gutanıñ törle urınnarına höcüme näticäsendä tağın 28 keşe ülde. Kiçke säğat’lärdä Rusiyä oçqıçları Xammuriyäne bombalağan. Anda tınıç xalıqtan 20 keşeneñ ğomere özelgän. Şulay uq, hawa höcümnäre näticäsendä Saqbada -4, Cisrindä – 3, Xarästä -1 keşe hälaq bulğan. Yaralılarnı qotqaru törkemnäre töbäktäge sälamätlek saqlaw noqtalarına iltkän. Rejim köçläre qamalıştağı Könçığış Gutanıñ qayber cirleklärenä ağulı gaz belän höcüm itkän.   

Töbäktäge “Aq beretlar” qotqaruçılar törkeme wäkilläre bu gazdan niçä keşeneñ zarar kürüen äytä almıy. Çönki xalıq sıyınma urınnarına kerep tulğan häm aralarında agulanuçılarnı tabu awırlaşqan.

Oppoziśiyaneñ kontrolendäge Könçığış Gutada rejim köçläre häm yärdämçeläreneñ höcümnäre näticäsendä 17 kön êçendä 862 keşeneñ ğomere özelde.