Êlekkege rus agentı ximik matdäneñ yoğıntısında qalğan

Angliyada ber säwdä üzägendä añsız xäldä tabılğan rus agentı Sergey Skripal’ belän qızı Yuliyanıñ nerv sistemasına täêsir itüçe ximik matdäneñ yoğıntısında qaluı açıqlandı. Alar xäzer reanimaśiyada. Bu xaqta jurnalistlarğa da xäbär ittelär. Waqıyğa cinayät’ êşendä “üterügä kereşü” bularaq tamğalanğan. Ximik matdäneñ isemen älege beldermilär. Sergey Skripal’ belän qızı tabılğan urınğa berkem dä yaqın cibärelmi. Räsmi berleklär anda tağın berniçä kön tikşerü ütkäräçäklären söyli. Yäkşämbe könne töştän soñ säwdä üzägenä kilüçelärneñ tiz arada êlemtägä kerülären sorıylar, alarnıñ da ximik matdädän zarar kürü mömkinlege bar. Çönki waqıyğa urınına berençe bulıp kilgän poliśiya xezmätkäre dä reanimaśiyada häm xäle awır.

Êlekkege rus küzläw oyışması agentı Sergey Skripal’ häm qızı Yuliya tabılğan bank qına tügel, anıñ yanındağı restoran häm bar da saq astına alınğan. Xäzer poliśiya küzätü kameralarında kürengän şikle ir-at belän xatın-qıznıñ kemleklären açıqlarğa tırışa.