Könçığış Gutada ülemnär arta

Süriyädä rejim köçläre häm yärdämçeläreneñ kiçä Könçığış Gutağa yasağan höcümnärendä tağın 10 keşe ülde. Soñğı 16 köndä barlığı 834 keşeneñ ğomere özelde. BMOnıñ İminlek şurası “atunı tuqtatu” qararı iğ’lan itügä qaramastan, töbäkkä xätta gumanitar yärdäm kertergä irek birmilär. Bu atnada azıq-tölek häm mediśina kiräk-yaraqları töyägän yök maşinaları bombalandı, gumanitar yärdäm konvoyı kire çigenergä mäcbür buldı.

Oppoziśiya kontrolendäge Könçığış Gutada 400 meñ keşe 5 yıldır qamalışta yäşi. Töbäktä gumanitar krizis tiränäygännän – tiränäyä. Meñnärçä keşe mediśina yärdäme kötä. Aralarında ayıruça awır xäldä bulğannar bar.