Çirkäwdä mıltıqlı ğıybadät

Amerikanıñ ber çirkäwendä mıltıq totıp ğıybadät qıldılar. Pensil’vaniya ştatında bulğan bu çarağa öyläneşü wäğ’däsen yañartırğa teläwçe Amerikalı parlar cıyılğan. Alar aq kiyem kigän häm Amerikada höcümnär waqıtında iñ yış qullanılğan AR-15 mıltıqları totqan. Şul uq qoral belän 14nçe fevral’dä  Florida şähärendäge mäktäpkä höcüm itep 17 keşene üterdelär. Citmäsä, 250 par qatnaşqan bu çarada çirkäwgä nigez saluçı San M’yung Mun çığış yasap, Donal’d Trampnıñ uqıtuçılarnı qorallandırırğa çaqıruın xuplağan.

Mıltıqlı dini çarağa rizasızlıq belderüçelär dä bar. “Üzemne saqlaw öçen qoralğa ixtıyacım yuq. Mıltıqlar üterergä genä yarıy. Noqta. Qorallar yuq itü öçen häm monda anı izgeläşterälär”,-dip belderde bu ğıybadätkä qarşı çığuçılar.

Çirkäwdäge çara waqıtında töbäktäge ber mäktäp êvakuaśiyälängän. Başlanğış sıynıf uquçıları qurqınıçsızlıq yözennän yaqındağı başqa kampusqa cibärelgän.

AQŞta här yıl 30 meñ keşe qorallı höcümnärdä hälaq bula.