Soğud Ğaräbstanında täraqqıyät'lär

Soğud Ğaräbstanında Ğomüm ştab başlığı häm Hawa köçläre citäkçese layıqlı yalğa cibärelgän, Ciröste köçläre citäkçese belän ber rättän şaqtıy ministr urınbasarı häm yuğarı däräcäle räsmi zat wazifadan azat itelgän.

Soğud Ğaräbstanınıñ räsmi xäbär agentlığı SPAda urın alğan yaña patşalıq qararnamälärenä kürä Ğomüm ştab başlığı, Armiya generalı Abdurrahman bin Salih äl-Bunyan häm Hawa köçläre citäkçese Möxämmäd bin Avad Suhaym layıqlı yalğa cibärelgän.

Ciröste köçläre citäkçese Fähd bin Turki bin Abdülaziz belän êçke êşlär ministrı urınbasarları, êş häm sośial’ qalqınu ministr urınbasarı, tışqı êşlär ministrı urınbasarı wazifalarınnan azat itelgän.

Cävf töbäk ämire Fähd bin Bändär dä wazifadan alınuçılar arasında urın ala.

Buş qalğan urınnarğa yaña keşelär bilgelängän.

Soğud Ğaräbstanı patşası Sälman bin Abdülaziz ayıruça Milli saqlanu strategiyasen üsterü qısalarında äzerlängän häm keşe çığanaqları ixtıyacların da üz êçenä aluçı Saqlanu ministrlığı programmasın üsterü vizionın da imzalağan.