Liviya sularında 324 qaçaq qotqarıldı

Liviya könbatışındağı Zuvvara şähäre sulıqlarında 324 qaçaqnı qotqardılar. Aralarında 35 xatın-qız häm 16 bala da bar. Alar qanunsız yullar belän Awrupağa kitärgä mataşqan. Ämma suda köymäläre bozılğan. Qaçaqlarnıñ kübese Afrika illärennän. Räsmi mäğ’lümatlarğa qarağanda, uzğan yıl zakonsız migraśiya näticäsendä Liviyadağı qaçaqlar sanı yartı millionnan artıp kitkän. Alarnıñ 95%ı Urta diñgezdän Awrupağa qaçarğa mataşuçılar. Xäzerge waqıtta Liviyada 24  ildän kilüçe qaçaq bar.