İslandiyada sönnät tıyılaçaq

İslandiyada ir-atlarnı sönnätkä utırtunı tıyuçı zakon proyıktı parlamentqa kertelde. Ägär bu qanun qabul itelsä, utraw mondıy tıyu kertkän täwge Awrupa ile bulaçaq. İslandiyadağı möselman häm yähüd cämäğat’çelege moña qarşı çığa. Mäclestäge partiyälär tarafınnan uñaylanğan qanun, tabib taläp itmäsä, 18 yäş’tän keçe bulğannarnıñ sönnätkä utırtıluın tıya. Zakonğa qarşı kilüçelärgä 6 yılğa qadär iregennän mäxrüm itelü yanıy. 18 yäş’tän soñ sönnätkä utırırğa teläwçelärgä isä bernindi kirtä yuq.

Utrawdağı möselman häm yähüdlär sönnätneñ antisemitizm häm islamofobiya ürnäge buluınnan qurqa. Monı “dini ireklärgä qarşılıq” dip bäyälilär.

Yaqınça 336 meñ keşe yäşäğän İslandiyada 1500 möselman häm 250 yähüd bar.