Gripp virusın ber köndä yuq itüçe daru

Daru ber tapqır qullanğannan soñ 24 säğat’ êçendä organizmnı virustan çistarta

911778
Gripp virusın ber köndä yuq itüçe daru

Yaponiya ğalimnäre ber doza belän gripp virusın 24 säğat’ êçendä yuq itüçe daru uylap çığarğan. “Wall Street Journal” gazetası laboratoriya täcribäläreneñ soñğı fazalarğa kilüen xäbär itä. Darunı Yaponiya häm Amerikada gripp belän çirläwçelärdä sınıylar. Näticädä ul ber tapqır qullanğannan soñ 24 säğat’ êçendä organizmnı virustan çistartqan.

Darunıñ moña qadär ğrippqa qarşı iñ yış qullanılğan häm bik täêsirle sanalğan Tamifludan virusnı 3 tapqır tizräk yuq itüe häm simptomnarın beterüe kürengän. Belgeçlär xätta yañadan çirläw ixtimalın da azayta dip ışandıra.   

Bötendön’ya sälamätlek saqlaw oyışması wäkilläre bu daru xaqında: “Tabib häm şäfqat’ tutaşlarınıñ ğripp belän köräşü ısulların tamırdan üzgärtä alır”,-dilär.

Amerikada soñ zamannarnıñ iñ citdi ğripp êpidimiyäse buldı: bıyılnıñ başınnan birle çirdän 4 meñnän artıq keşe yaqtı dön’ya belän xuşlaştı. Şuña kürä bu xäbärne dulqınlanıp qarşıladılar.  

Ägär täcribälär uñışlı näticä birsä, belgeçlär darunıñ  kiläse yılğa satuğa çığu mömkinlegen äytä. 



Bäyläneşle xäbärlär