"İke däwlätle çişeleş telim"

BMO ğomüm särqätibe Antonio Guterres: “İkeseneñ dä başqalaları Yerusalim bulğan Fälästin häm İzrail däwlätlären kürergä telim,” – digän.

Fälästin xalqınıñ waz kiçelmäs xoquqlarınıñ qullanıluı komitetı cıyılışında cığış yasağan Guterres Fälästin problemasınıñ ozaq waqıt çişelmäwçe mäs’älälärdän berse buluına iğtibarnı cälep itkän.

Xalıqara cämäğat’çelekneñ yıllar buyı ike däwlätle çişeleş alıp kiläçäk söyläşelgän barışnı xuplawın beldergän Guterres: “İkeseneñ dä başqalaları Yerusalim bulğan Fälästin häm İzrail däwlätlären kürergä telim. Könçığış Yerusalim belän yawlaw astındağı Yordannıñ könbatış üzänlegendä yähüd bistäläreneñ tözeleşe BMO qararları häm xalıqara xoquq qağidäläre buyınça legal’ tügel,” – digän.

İzrailneñ qanunsız toraq punktlarınıñ tınıçlıq urnaştıru aldındağı iñ zur kirtä buluın häm bu plannarnıñ tuqtatıluı zarurlığın assızıqlağan Guterres Ğazzädäge humanitar wazğiyätneñ häm iqtisadi şartlarnıñ bik naçar buluın äytkän.

Antonio Guterres: “Töp xezmätlär häm asqorımanı yaxşırtu öçen tögäl adımnar yasalmasa, Ğazzädä 2020 yıldan soñ yäşäp bulmayaçaq,” – iskärtüen yasağan.

Guterres: “Yaqın Könçığışta 5 million fälästinle qaçaqnıñ iminlege, xoquqları häm däräcäse qurqınıç astında. B planı yuq. İke däwlätle çişeleş - Fälästin xalqınıñ waz kiçelmäs xoquqlarına qawışuınıñ häm problemağa däwam itterelä alınuçı çişeleş tabılunıñ berdänber yulı,” – digän.