“Tradiśion İslam - Rusiya mädäni strukturasınıñ möhim öleşe”

 Rusiya Federaśiyäse däwlät başlığı Vladimir Putin İslamnıñ häm möselman cämğiyäteneñ  Rusiya mädäni qorılışınıñ üzgärmawçän öleşe buluın beldergän.

Putin bu xaqta Tatarstan Cömhüriyäte başqalası Qazanda İslam ğalimnäre belän oçraşuında citkergän.

Teologik İslam öyrätülären Rusiyädä qabat canlandırunıñ zur ähämiyätkä iyä buluın beldergän Putin:”Teologik İslam öyrätüläreneñ bay tarixı bar. 1917 nçe yıl inqıylabınnan êlek Rusiya möselman teologları dönyanın här cirendä xörmätkä layıq keşelär itep tanılır häm fiker –qaraşları bik möhim ide”,-digän.

Sovetlar Berlege däwerendä isä bu baylıqnıñ yuğaluın beldergän Vladimir Putin:”Xökümätebez Rusiyädä İslam dine belän bäyle uqıtu –öyrätülärgä yaqlaw kürsätü öçen kiräkle adımnar yasayaçaq. Çönki tradiśion İslam - Rusiya mädäni strukturasınıñ möhim öleşe häm möselman cämğiyäte hiçişiksez Rusiyäneñ küp millätle xalqı arasında möhim urın alıp tora”,-dip citkergän.

Rusiyädä yaqınça 20 million möselman yäşi häm alar il xalqınıñ 15%ın täşkil itä.