"Min rasaçı tügel"
Tramp êmigrantlarnı mısqıllawı däğwasınnan soñ cawap qaytarğan
Amerika Quşma Ştatları däwlät başlığı Donal’d Tramp Latin Amerika häm Afrikalı êmigrantlarnı mısqıllawı däğwasınnan soñ üzenä birelgän sorawğa: “Min rasaçı tügel,” – dip cawap birgän.
Trampnıñ Oval’ ofista qaçaqlar temalı ber söyläşüdä açulanıp, qayber Latin Amerika häm Afrika illärennän kilüçelär turında: “Bu pıçraq il keşeläreneñ monda kilüen nik telik?” – dip äytüe däğwa itelgän ide.
“Vaşington Post” gazetı xäbärendä Trampnıñ bu cömläne Afrika illäre, El Salvador häm Gaitine uylap, äytüe belderelgän ide.
Qayber Demokrat partiyalelär Trampnıñ bu süzlären “rasaçı” diyep, ğayeplägän ide.
Tramp kiçä ber jurnalistnıñ sorawına: “Rasaçı tügel min. Xäzergä qadär sez interv’yu alğan keşelärdän iñ äz rasaçı bulğanı min. Moña ışana alasız,” – digän.
Tramp Twitterdağı yullamasında da: “Cıyılışta telem qırıs ide, läkin min qullanğan tel bu tügel”, - digän.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde