Könçığış Guta yärdäm kötä
Grajdan saqlanu törkemnär tınıç xalıqnı yaqlarğa çaqıru yasağan
Süriyädä meñnärçä keşene qotqaruçı Grajdan saqlanu törkemnäre Bäşar Äsäd rejimı blokadasındağı Könçığış Gutağa oyıştırılğan höcümnärne qısqa waqıtta tuqtatırğa häm tınıç xalıqnı yaqlarğa çaqıru yasağan.
Grajdan saqlanu törkemnäre sośial’ mediada yasağan yazulı açıqlawda Süriyädä häm xalıqara alanda êşçänlek başqaruçı keşe xoquqların yaqlaw oyışmaları belän ictimaği oyışmalarnıñ Könçığış Gutada tınıç xalıqnı maqsat itep aluçı höcümnärgä qomaçawlar öçen êşkä kereşü zarurlığı belderelgän.
Açıqlawda tınıç xalıqnıñ saqlanuı, blokada astındağı Könçığış Gutağa humanitar yärdämnärneñ ireşterelüe häm xastalarnıñ ixtıyacı bulğan aşığıç mediśina yärdämnären kürsätüneñ möhim buluına işarät itelgän.
Açıqlawda rejim häm tarafdarları Könçığış Gutağa oyıştırğan hawadan häm ciröstennän höcümnärdä soñğı 16 köndä 51e bala-çağa, 34e xatın-qız belän barlığı 177 ğayepsez keşeneñ yaqtı dönyadan kitüe assızıqlanğan.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde